Festival do Mundo Celta 2006
Non vou facer aquí unha crítica musical ao Festival Internacional do Mundo Celta (si, do MUNDO CELTA, que non se lle esqueza a ninguén), se non aos derroteiros que está a tomar dende o ano pasado aproximadamente.
Musicalmente si que podo dicir que a fusión non é mala per se, pero o sábado veuse en Ortigueira unha mala fusión. Un experimento que penso que non gustou á xente, que non foi quen de conectar coa xente que estaba a presenciar o espectáculo. Sinto que o Sr. Limón sexa un gurú da producción musical, pero creo que foi un dos días máis esquecibles dos últimos anos de festival.
De feito, o que se puido facer foi cambiar o concerto de fusion polo de Gwendal e Berrogüetto. ¿Por que o mellor do festival se pon o domingo que é o que case que ninguén pode ver por ter que marchar para traballar ao outro día? Creo que é unha estratexia equivocada; podería usarse o domingo para os experimentos de fusión e o sábado que sexa o "día grande" cos mellores grupos... non vexo eu que as televisións garden os seus mellores programas para as tardes do domingo, póñennos no prime-time dos mércores ou xoves inda que puideran ter certo efecto de arrastre da audiencia, o que buscan e maximizar a audiencia no mellor momento, por que en Ortigueira se fai ao revés?
Por outra banda, parabens para a idea dos concertos íntimos no Teatro de Beneficencia. Unha verdadeira perla de bon gusto que ten que ter continuidade. O que me perdín foron os concertos de Runas, por que os levaron para tan lonxe? estorbaban na praza de Santa Isabel, diante do concello?
Pero xa digo que prefiro concretar a miña crítica en algo do que nos queren vender dende hai un tempo: o cambio de estilo do festival.
Non vou entrar no espantoso mercantilismo dos patrocinadores como Estrella Galicia (Caixa Galicia puxo 120.000 euros e non se lle notou tanto), que aproveitan as facilidades para facer crer que o Festival Internacional do Mundo Celta de Ortigueira (por que lle quitaron toda a parte central e o deixaron en Festival de Ortigueira?) é un dos seus concertos "Son Estrella". Patrocinar un evento non implica (ou non debería implicar) apropiarse del, se non apoialo unindo a súa marca, o que xa supón réditos suficentes sen que pareza que o organizou.
E por último, por que se está a perder o espíritu da música que fixo importante este Festival? Se foi o primeiro grande festival de música celta, prácticamente o único que había en España, e de certo o que sobreviviu de todos os que saíron despois; se a xente segue a vir con pinta de hippy, etc. por que este empeño e querermos parecer a Benicassim, Monegros, etc. ??
Se es o primeiro en algo, ou mellor, se tes a tua propia categoría creada na mente dos "consumidores"... ¡non te movas! evoluciona se queres, pero non te movas e segue a ser o primeiro. Das outras músicas xa hai 20 festivais con máis sona que o de Ortigueira, pero ninguén pode "atacar" a posición de Ortigueira como Festival de música celta (salvo Lorient, pero xa estamos a falar de palabras maiores... por certo, van flamencos a Lorient ou hip-hoperos? penso que non)
Ata outro Festival, e queda só un para os 30 anos do primeiro festival internacional do mundo celta de Ortigueira.
Musicalmente si que podo dicir que a fusión non é mala per se, pero o sábado veuse en Ortigueira unha mala fusión. Un experimento que penso que non gustou á xente, que non foi quen de conectar coa xente que estaba a presenciar o espectáculo. Sinto que o Sr. Limón sexa un gurú da producción musical, pero creo que foi un dos días máis esquecibles dos últimos anos de festival.
De feito, o que se puido facer foi cambiar o concerto de fusion polo de Gwendal e Berrogüetto. ¿Por que o mellor do festival se pon o domingo que é o que case que ninguén pode ver por ter que marchar para traballar ao outro día? Creo que é unha estratexia equivocada; podería usarse o domingo para os experimentos de fusión e o sábado que sexa o "día grande" cos mellores grupos... non vexo eu que as televisións garden os seus mellores programas para as tardes do domingo, póñennos no prime-time dos mércores ou xoves inda que puideran ter certo efecto de arrastre da audiencia, o que buscan e maximizar a audiencia no mellor momento, por que en Ortigueira se fai ao revés?
Por outra banda, parabens para a idea dos concertos íntimos no Teatro de Beneficencia. Unha verdadeira perla de bon gusto que ten que ter continuidade. O que me perdín foron os concertos de Runas, por que os levaron para tan lonxe? estorbaban na praza de Santa Isabel, diante do concello?
Pero xa digo que prefiro concretar a miña crítica en algo do que nos queren vender dende hai un tempo: o cambio de estilo do festival.
Non vou entrar no espantoso mercantilismo dos patrocinadores como Estrella Galicia (Caixa Galicia puxo 120.000 euros e non se lle notou tanto), que aproveitan as facilidades para facer crer que o Festival Internacional do Mundo Celta de Ortigueira (por que lle quitaron toda a parte central e o deixaron en Festival de Ortigueira?) é un dos seus concertos "Son Estrella". Patrocinar un evento non implica (ou non debería implicar) apropiarse del, se non apoialo unindo a súa marca, o que xa supón réditos suficentes sen que pareza que o organizou.
E por último, por que se está a perder o espíritu da música que fixo importante este Festival? Se foi o primeiro grande festival de música celta, prácticamente o único que había en España, e de certo o que sobreviviu de todos os que saíron despois; se a xente segue a vir con pinta de hippy, etc. por que este empeño e querermos parecer a Benicassim, Monegros, etc. ??
Se es o primeiro en algo, ou mellor, se tes a tua propia categoría creada na mente dos "consumidores"... ¡non te movas! evoluciona se queres, pero non te movas e segue a ser o primeiro. Das outras músicas xa hai 20 festivais con máis sona que o de Ortigueira, pero ninguén pode "atacar" a posición de Ortigueira como Festival de música celta (salvo Lorient, pero xa estamos a falar de palabras maiores... por certo, van flamencos a Lorient ou hip-hoperos? penso que non)
Ata outro Festival, e queda só un para os 30 anos do primeiro festival internacional do mundo celta de Ortigueira.
0 Comments:
Publicar un comentario
<< Home